Create your own sidebar via Visual Composer with drag and drop tech, for almost all pages!
Përfaqësues të UShAF qëndruan për vizitë zyrtare në Kutahja të Turqisë
Pa Komente
Prorektori për Mësim, Shkencë dhe Çështje Studentore i Universitetit të Shkencave të Aplikuara në Ferizaj (UShAF), Prof. As. Dr. Rrahim Sejdiu, i shoqëruar nga Këshilltari i Rektorit të UShAF, z. Azem Jashari, morën pjesë në punëtorinë me temën “Fuqia bashkuese e kulturave ndërkombëtare dhe roli i universiteteve”, në Universitetit “Dumlupinar” në Kutahja të Turqisë.
Në këtë punëtori morën pjesë përfaqësues të 25 shteteve, të cilat përfaqësuan 75 universitete. Në mesin e këtyre universiteteve morën pjesë edhe katër Universitete Publike nga Republika e Kosovës.
Gjatë kësaj punëtorie dy ditore, përfaqësuesit e Universiteteve u dakorduan për themelimin e unionit të Universiteteve “Uniting Universities Units” i cili ka për qëllim të ndërlidhë Universitetet pjesëmarrëse në bashkëpunimin e mëtutjeshëm duke aplikuar në projekte të ndryshme të përbashkëta.
Në kuadër të kësaj punëtorie përfaqësuesit e UShAF, veç tjerash nënshkruan Marrëveshje Bashkëpunimi me Universitetin “Dumlupinar” të Turqisë.
Përpos aktiviteteve të lartpërmendura u zhvilluan edhe shumë takime me përfaqësuesit e Universiteteve nga mbarë bota me qëllim të thellimit të bashkëpunimit ndëruniversitar.
