Në kuadër të projektit ‘’Euforia’’, profesorët e UShAF po qëndrojnë në Universitetin Staffordshire në Stoke-on-Trent në Angli

Prorektori për Marrëdhënie Ndërkombëtare dhe Sigurim të Cilësisë, Prof. Dr. Bujar Pira dhe dekani i Fakultetit të Turizmit dhe Ambientit, z. Flamur Salihu, po qëndrojnë në Universitetin e Staffordshire në Stoke-on-Trent në Angli.

Gjatë kësaj vizite profesorët po marrin pjesë në trajnime të programeve të ndryshme profesionale, të cilat njohuri pastaj përmes trajnimeve do të mund t’i bartin tek studentët e UShAF dhe tek kompanitë vendore. Po ashtu, ata patën takime edhe me profesorë dhe studentë të këtij Universiteti ku bënë këmbimin e përvojave dhe ideve të ndryshme për institucionet e arsimit të lartë.

Kjo vizitë ka për qëllim ngritjen e kapaciteteve akademike dhe profesionale të stafit akademik dhe studentëve me të arriturat në teknologjinë moderne, për avansim të cilësisë së mësimit në Universitet, si dhe rritjen e bashkëpunimit në lëminë e industrisë në tërësi për nevojat e tregut.