Në kuadër të programit Erasmus+, përfaqësues të stafit akademik të UShAF qëndruan në Varshavë

5 Korrik, 2019
Posted by: admin
Category: Fakulteti i Arkitekturës, Dizajnit dhe Teknologjisë së Drurit Fakulteti i Inxhinierisë dhe Informatikë Fakulteti i Menaxhimit Fakulteti i Turizmit dhe Mjedisit

Në Punëtorinë një javore, lidhur me trajnimin e stafit akademik, e cila u mbajt në kuadër të programit Erasmus+ në Universitetin e Ekologjisë dhe Menaxhimit në Varshavë të Polonisë, qëndruan përfaqësues nga Universiteti i Shkencave të Aplikuara në Ferizaj (UShAF), Prof. Afrim Loku – Prorektor për Buxhet dhe Financa dhe Dekani i Fakultetit të Arkitekturës, Dizajnit dhe Teknologjisë së Drurit, Prof. Florit Hoxha.

Gjatë qëndrimit në Universitet, Katarzyna pati takime të shumta me stafin akademik duke shkëmbyer përvojën, njohuritë dhe metodat e funksionimit të të dyja Universiteteve.

Përveq përfaqësuesëve të UShAF, në këtë Punëtori morën pjesë edhe përfaqësues nga Armenia, Ukraina, Polonia dhe shtete të tjera.

Gjatë kësaj Punëtorie pjesëmarrësit u njoftuan me sistemin e edukimit dhe arsimimit në Poloni dhe shkëmbyen eksperiencat e universiteteve të cilat i përfaqësojnë. Po ashtu, u bënë prezantime lidhur me bashkëpunimin e bizneseve, punën praktike të studentëve, alumnin, si dhe u bë këmbimi i përvojave në mes të Universiteteve.

Gjatë kësaj kohe përfaqësuesit e UShAF ndër të tjera, zhvilluan bisedime me dekanin e Fakultetit të Arkitekturës së Armenisë, prof. Armen Bubushyan, i cili shprehi interesim të madh të bashkëpunoj me UShAF pasi që ky Fakultet ka programe të njejta me Fakultetin e Arkitekturës në Universitetin tonë.

Vec kësaj Punëtorie, përfaqësuesit e UShAF, së bashku me profesorin nga Turqia, Prof. Fatih Cetin, morën pjesë në Konferencën e mbajtur në University of Life Sciences në Varshavë, ku zhvilluan takime me përfaqësues të këtij Universiteti, si dhe koordinatoren për Erasmus+. Po ashtu, në këtë Konferencë u dakorduan që në një të ardhme shumë të afërt të nënshkruhet një Marrëveshje Bashkëpunimi me këtë Universitet. Në Konferencë u krijua Instituti ndërkombëtar për menaxhim të njohurive të aplikuara dhe me 1 tetor pritet që UShAF të filloj me procedurat për realizimin e Memorandumit të Mirëkuptimit me këtë Institut.