Në kuadër të partneritetit me programin Erasmus+, përfaqësues të administratës së UShAF, po qëndrojnë në Varshavë

Në kuadër të Punëtorisë që po mbahet në këtë javë në Varshavë të Polonisë, të titulluar “Java e stafit administrativ”, e organizuar nga Universiteti i Ekologjisë dhe Menaxhmentit, po qëndrojnë zyrtarët e administratës së UShAF, z. Azem Jashari – Sekretar i Përgjithshëm i UShAF dhe z. Armend Hysa, zyrtar i shërbimit të studentëve.

Pasiqë nikoqirët e këtij evenimenti iu dëshiruan mirëseardhje të gjithë pjesëmarrësve dhe njoftimit me agjendën dhe dinamikën e punës gjatë kësaj jave, u fillua me paraqitjen e prezantimeve për secilin universitet pjesëmarrës, ku për UShAF prezantimin e bëri z. Armend Hysa.

Ai para pjesëmarrësve dhe organizatorëve elaboroi historikun, organizimin institucional si dhe funksionimin e administratës dhe organeve tjera menaxheriale në kuadër të Universitetit, përfshirë edhe Bordin Industrial si organ specifik për Universitetin tonë, njëherit me theks të veçantë u potencuan marrëveshjet e bashkëpunimit më kompanitë vendore dhe partneriteti me universitetet evropiane.

Në këtë Punëtori njëjavore, ku po shkëmbehen përvoja nga fusha e administratës së Universiteteve, krahas nikoqirit dhe Universitetit të Shkencave të Aplikuara në Ferizaj, po marrin pjesë edhe pjesëmarrës nga këto universitete: Universiteti Sumy State – Ukrainë, University Armenien State Pedagogical – Armeni, University of Nis- Serbi, National Technical University (Igor Sykorsky Kyiv Politechnic Institute) – Ukrainë.

This post is also available in: English