Marrëveshje Bashkëpunimi mes UShAF dhe Kompanisë “Fluidi”

Universiteti i Shkencave të Aplikuara në Ferizaj (UShAF), përfaqësuar nga Rektori, Prof. Dr. Agron Bajraktari dhe Kompania “Fluidi”, në Gjilan, përfaqësuar nga Drejtori, z. Fejzulla Mustafa, hynë në Marrëveshje Bashkëpunimi.

Rektori Bajraktari falënderoj drejtorin e Kompanisë që pranoi që të bëhet pjesë e UShAF, duke iu mundësuar studentëve që të realizojnë pjesën praktike në Kompaninë që e përfaqëson ai.

“Universiteti jonë për nga natyra është shumë më afër me tregun e punës, anadaj ju sot keni hapur dyert që të na ndihmoni që pjesën teorike ta realizojmë edhe në praktikë, në mënyrë që studentët tanë të aftësohen në drejtimet e tyre. Nga sot, Kompania juaj është pjesë e jona, si anëtare e Bordit Industrial të Universitetit, i cili na ndihmon shumë në zhvillimin e plan-programeve tona. Shpresoj se nga ky bashkëpunim të përfitojmë të dyja palët”, tha Rektori.

Ndërsa, z. Mustafa falënderoj rektorin për ofrimin e mundësisë që të kontriboj për gjeneratat e reja dhe i dëshiroj Universitetit zhvillim sa më të mirë në përcjelljen e kuadrove të reja, të cilat sipas tij i mirëpret tregu Kosovar.

“Fluidi” është Kompani prodhuese e llojeve të ndryshme të lëngjeve të gazuara dhe jo të gazuara, e cila vepron që nga viti 1994.