Ligjëratë për programin “Alphacam” nga z. Marko Silva dhe z. Genti Herri

6 Dhjetor, 2018
Posted by: admin
Category: Fakulteti i Arkitekturës, Dizajnit dhe Teknologjisë së Drurit Fakulteti i Inxhinierisë dhe Informatikë Fakulteti i Menaxhimit Fakulteti i Turizmit dhe Mjedisit

Studentët e vitit të dytë dhe të tretë të Fakultetit të Arkitekturës, Dizajnit dhe Teknologjisë së Drurit, në kuadër të bashkëpunimit me kompanitë prestigjioze, patën rastin të dëgjojnë një ligjëratë për programin “Alphacam” nga përfaqësuesit e këtij programi, z. Marko Silva nga Italia dhe z. Genti Herri, përfaqësues i këtij Programi për Kosovë dhe Shqipëri.

Përfaqësuesit e Programit u pritën nga menaxhmenti i lartë i Universitetit të cilët i falënderuan ata për kohën dhe mundësinë që po ua japin studentëve të UShAF për programin Alphacam, i cili është i panjohur për ta por shumë i nevojshëm për drejtimin e tyre.

Gjatë ligjëratës, studentët u njoftuan nga përfaqësuesit e Alphacam për mundësitë e reja të cilat i ofron ky program në industrinë e prodhimit të mobileve, informacione të nevojshme për programin, lidhshmërinë që ka me programin CAD, si dhe programe të tjera të ngjashme.

Gjatë takimit të dyja palët u dakorduan që ky bashkëpunim të vazhdoj të thellohet edhe më shumë duke shiqur mundësitë e sigurimit të 30 licencave të këtij programi për UShAF.

Alphacam është një program softuerik për punimin e drurit dhe prerjen e metelave dhe gurëve.