Ligjëratë nga Irene Glendinning para Stafit dhe studentëve të UShAF mbi Integritetin Akademik, Plagjiaturën dhe mashtrimet në Arsimin e Lartë

Pa Komente

Në Universitetin e Shkencave të Aplikuara në Ferizaj (UShAF), u mbajt ligjëratë me temën ‘’ Integriteti Akademik, Plagjiatura dhe Mashtrimet në Arsimin e Lartë’’, nga Prof. Dr. Irenne Glendinning nga Universiteti i Coventry.

Rektori i UShAF, Prof. Dr Agron Bajraktari e priti në takim Ligjëruesen Glendinning, të cilën e falënderoi për kontributin dhe gjetjen e kohës për mbajtjen e një ligjërate shumë të rendësishme për studentët dhe stafin e Universitetit.

‘’Kjo dukuri është prezente në pothuajse të gjitha institucionet në shumë aspekte e posaçërisht për pronën intelektuale, e cila duhet të mos cënohet dhe të ruhet si çdo pronë tjetër e garantuar me ligj’’, tha rektori Bajraktari.

Ligjëruesja Glendinning, para studentëve dhe stafit foli për korrupsionin dhe ndikimin e tij në shoqëri, Integritetin akademik dhe kërkimor, si dhe reagimet e institucioneve në forma të ndryshme për luftimin e kësaj dukurie negative.

‘’Plagjiatura dhe mashtrimet në Institucionet e Arsimit të Lartë, sipas sondazheve të bëra janë të përhapura në tërë Evropën, ndërsa rast studimi janë marrë 6 shtete ballkanike. Është gjetur korrupsion i lartë për shkak të ligjëratave klasike, provimeve me shkrim, kopjimit nga ana e studentëve, etj. ‘’

Po ashtu, ajo foli edhe për konstatimet se nëpër institucione ekziston dukuria e ryshfetit, mospërfilljes së standardeve të mësimdhënies, privilegjit dhe kushtëzimeve të tjera, duke filluar prej pranimit në studime e deri tek vlerësimi i dijes së studentëve, që sipas saj të gjitha këto ndikojnë në uljen e vlerave të institucionit dhe se për t’i luftuar këto dukuri duhet përballje, guxim, ndershmëri dhe transparencë, si dhe sanksionim me masa ndëshkimore.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.