Ligjëratë nga drejtori i Kompanisë “Flexograf” për studentët e UShAF

Drejtori i Kompanisë “Flexograf”, z. Berat Mustafa ka qëndruar sot në Universitetin e Shkencave të Aplikuara në Ferizaj (UShAF), me ç’rast mbajti një ligjëratë para studentëve dhe u njoftua me hapësirat e punës së Universitetit, e në veçanti me laboratoret. 

Fillimisht, z. Mustafa u prit nga Prorektori, z. Afrim Loku, i cili në emër të Rektorit e falënderoi për nënshkrimin e Marrëveshjes së Bashkëpunimit të realizuar ditë më parë, si dhe mundësinë qëpo ua jep studentëve që të përfitojnë nga përvoja e tij.

Ndërsa, drejtori Mustafa veç tjerash tha se do të vazhdoj bashkëpunimi dhe se do të jenë zë i fortë i Universitetit tek ndërmarrjet prodhuese me qëllim të koordinimit të punëve dhe aktiviteteve që lidhen me trajnime me Universitetin.

Gjatë kësaj ligjërate, studentët u njoftuan me disa nga pikat kyqe të lidhjes së pjesëve aplikative dhe atyre shkencore pasi që kjo është kërkesa e tregut të punës dhe nevojave në gjithë botën e shekullit 21. Po ashtu, drejtori Mustafa i njoftoj studentët me atëse si bota e biznesit ka nevojë për inovacione, të cilat ndërlidhen edhe me hargjimin e rezervave natyrore, si psh. naftës, gazit, etj., e qw sipas tij në pjesën e hulumtimeve kemi nevojë për qasje të re në shkencë të cilat tashmë janë një domosdoshmëri e kohës.

Kompania “Flexograf” merret me fleksoprintim, e cila produktet e veta përveç në vend, i plason edhe jashtë tregut kosovar si: Holand, Angli, Bullgari, Shqipëri, Serbi, Maltë, Slloveni, Sierra Leone të Afrikës, e në të ardhmën e afërt presin rritje dhe zgjerim të eksporteve edhe në shumë vende të tjera me prodhimet e veta mjaftë cilësore.