Konkurs për ndarjen e bursave universitare për vitin akademik 2018/2019

Pa Komente

Në bazë të Vendimit nr. 317/19 të datës 22.02.2019 të Këshillit Drejtues, Universiteti i Shkencave të Aplikuara në Ferizaj (UShAF), me datën 25.02.2019 shpall:

K O N K U R S

Për ndarjen e bursave universitare për vitin akademik 2018-2019

I

Kushtet e përgjithshme

1. Bursa universitare ndahet për studentët e nivelit të studimeve themelore (bachelor)

2. Të drejtë aplikimi për bursë kanë studentët e UShAF të cilët i plotësojnë këto kushte:

2.1 Të jenë studentë të rregullt të Fakulteteve të UShAF

2.2 Të jenë studentë të vitit të dytë e më lartë

2.3 Të mos kenë vit të përsëritur të studimeve

2.4 T’i kenë të dhënë të gjitha provimet e vitit paraprak përkatës të studimeve në afatin e shtatorit të vitit akademik 2017/18

2.5 Të kenë notë mesatare të studimeve më së paku 8.00 (tetë pikë zero)

II

Dokumentacioni i nevojshëm për aplikim

1.Studentët të cilët i plotësojnë kushtet nga pika një (I) e këtij konkursi duhet t’i paraqesin këto dokumente:

1.1 Kërkesën për aplikim dhe

1.2 Fletëparaqitjen ( e cila merret në Administratën Qendrore të UShAF)

2.Dokumentet e kompletuara dorëzohen fizikisht në zyrën e shërbimit të studentëve

2.1 Administrata Qendrore është e obliguar që në përputhje me kriteret e përcaktuara me këtë konkurs t’i përgatit listat e studentëve të cilët i plotësojnë kriteret për fitimin e bursës universitare për miratim nga Këshilli Drejtues i UShAF.

2.2 Kandidatët të cilët nuk i plotësojnë kriteret e sipërshënuara, shërbimi i studentëve nuk do t’iu lëshojë fletëparaqitjen e cila ua mundëson aplikimin për bursë.

2.3 Përgjegjësi për saktësin e të dhënave do ta bartin dekanët e Fakulteteve përkatëse.

III

1. Afati i aplikimit zgjatë 15 ditë, përkatësisht prej datës 26.02.2019 deri më 12.03.2019 ora 15:00

IV

Studentët të cilët konsiderojnë se kanë pasur të drejt përfitimit të bursës universitare dhe nuk janë përfshirë në listën e studentëve përfitues të bursës, kanë të drejtë ankese në afat prej 48 orësh pas ditës së publikimit të listave Komisionit për ndarje të bursave.

Ankesat duhet të dërzohen në zyrën e shërbimit të studentëve

Vendimi për përfituesit e bursës universitare do të publikohet në tabelat e shpalljes si dhe në ueb-faqen e Universitetit: www.ushaf.net

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.