Ekipi i Departamentit të Shërbimeve Emergjente të Universitetit “Utah Valley” të ShBA-së ligjëruan para studentëve të UShAF

Pa Komente

Prorektori për Buxhet, Financa dhe Infrastrukturë, z. Afrim Loku priti sot në takim profesorin, John Fisher, si dhe profesorë të tjerë dhe studentë të Universitetit “Utah Valley”, të ShBA-së, ku u bisedua në përgjithësi për çështje që kanë të bëjnë me shërbimet emergjente.

Përfaqësuesit e këtij Departamenti, në ligjëratën që mbajtën para studentëve të UShAF, folën gjerësisht për emergjencat si: termetet, zjarret, vërshimet, aksidentet ajrore dhe fatkeqësi të tjera natyrore.

Profesorët iu demonstruan studentëve se si duhet të reagohet në rast të ndonjë fatkeqësie dhe si duhet të jepet ndihma e parë, ndërsa folën edhe për punën që bëjnë ata si pjesë e Universitetit “Utah Valley”.

Prorektori Loku falënderoi përfaqësuesit e këtij Universiteti për kohën që e ndanë për të informuar studentët e UShAF për mbrojten nga fatkeqësitë e ndryshme me të cilat mund të përballen ata dhe tha se kjo ligjëratë është e nevojshme jo vetëm për studentët, por për të gjithë ne.

Ndërsa, profesori Fisher u shpreh i kënaqur që kishte interesim të jashtëzakonshëm të studentëve në këtë ligjëratë dhe tha se kjo tregon se ne të gjithë kemi nevojë për një ligjëratë të tillë. Ai, po ashtu, u shpreh shumë falënderues ndaj UShAF, që ua mundësoi që t’i ndajnë përvojat e veta me studentët.

Departamenti i Shërbimeve Emergjente i Universitetit “Utah Valley”, përgatitë praktikimin e shërbimeve profesionale emergjente ndërmjet programit, i cili balancon aftësitë teknike, të menduarit kritik dhe etik, udhëheqjen dhe komunikimin efektiv.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.