AVONET ndanë mirënjohje për rektorin Bajraktari

Rrjeti i organizatave joqeveritare AVONET nga Ferizaj ka ndarë Mirënjohje për rektorin, Prof. Dr. Agron Bajraktari, për kontributin e tij të veçantë në ngritjen e kapaciteteve akademike dhe infrastrukturore, si dhe avancimin shkencor në nivel kombëtar dhe ndërkombëtar gjatë periudhës së udhëheqjes së Fakultetit, tash Universitetit të Shkencave të Aplikuara në Ferizaj, poashtu edhe kontributin në themelimin e këtij Universiteti.

Rektori Bajraktari falënderoi rrjetin AVONET për Mirënjohjen dhe tha se kjo është një shtytje e madhe për të që të punojë më shumë në ngritjen dhe avancimin e Universitetit.

“Është Mirënjohja më për zemër që kam marrë gjatë gjithë jetës time. Angazhimet tona bashkarisht me shoqërinë civile, do të jenë të mëdha dhe të pandalshme me qëllimin që UShAF të bëhet unik, të bëhet lider në fushat të cilat i posedon për momentin mirëpo edhe në ato të cilat do t’i hapim në një të ardhme shumë të afërt”, tha rektori Bajraktari.

Drejtori Ekzekutiv i AVONET–it, z. Kenan Gashi, vlerësoi lartë punën e rektorit Bajraktari dhe e falënderoi për angazhimet e tij, angazhimin që ka bërë për Universitetin, për studentët dhe qytetin e Ferizajt  dhe që në saje të punës së tij, Ferizaj u bë me Universitet.

“Jemi krenar që kemi njerëz të tillë. Qenia e tij altruiste ka ndikuar që përqëndrimi i tij dhe vëmendja e tij ta bëjnë Ferizajn me Universitet. Është për t’u admiruar puna e tij dhe shpesheherë dalja nga vetëvetja vetëm e vetëm që t’iu sigurojë studentëve kushtet më të mira që ata të perfeksionohen në profesionet e tyre. ”, tha z. Gashi.