Arianit Kastrati, menaxher në Kompaninë OXA Group, mbajti ligjëratë para studentëve të UShAF për menaxhimin e projekteve të enterierit

Studentët e Fakultetit të Arkitekturës, Dizajnit dhe Teknologjisë së Drurit, patën rastin të dëgjojnë një ligjëratë nga njëri prej menaxherëve të Kompanisë OXA Group, i cili para tyre foli per menaxhimin e projekteve të enterierit.

Filimisht, z. Arianit Kastrati u prit nga menaxhmenti i lartë i Universitetit, të cilët e falënderuan për mundësinë që po ua jep studentëve të UShAF që të degjojnë një ligjëratë të tillë e cila është shumë ë nevojshme për profesionin e tyre.

Ndërsa z. Kastrati falënderoi UShAF për ftesën dhe mundësinë që iu dha për të kontribuar në aftësimin profesional të studentëve me përvojat e tij të shumta të cilat lidhen me profesionin e tyre.

Kastrati, para studentëve prezantoi funksionimin e kësaj Kompanie, projektet që ka realizuar kjo Kompani, menaxhimin e projektit të enterierit, planifikimin e projektit, ekzekutimin e projektit e deri tek mbyllja e projektit.

Po ashtu, z. Kastrati u shpjegoi studentëve edhe për punën ekipore, kujdesin ndaj klientit e shumë të tjera që kanë të bëjnë me këtë lëmi.

Arianit Kastrati para 11 viteve është kyçur në Industrinë e Drurit. Merret me dekorin e drurit dhe është menaxher i operativës dhe anëtarë i Bordit të Drejtorëve në Kompaninë “OXA Group”, e cila është njëra ndër Kompanitë më të mëdha në fushën e prodhimit të mobileve në Kosovë. Po ashtu, z. Kastrati është kryesues i Bordit të Drejtorëve në Shoqatën e Përpunuesëve të Drurit në Ferizaj.

This post is also available in: English