Urimi i rektorit Bajraktari për Ditën e Pavarësisë

Pa Komente

Republika e Kosovës sot shënon 11 vjetorin e Pavarësisë. Në këtë ditë feste, ne kujtojmë të gjitha përpjekjet shekullore për liri dhe shtet, të gjithë ata që ia falën jetën atdheut, të gjithë ata që nuk e kursyen mundin dhe punën në rrugëtimin drejt lirisë dhe shtetësisë.

Ne, tash kemi një mision tjetër, që ta bëjmë Kosovën një shtet të fuqishëm! Nuk duhet të kursejmë energjinë tonë në punë, në studime, në shkencë, në mënyrë që ta zhvillojmë vendin.

Me punën tonë, ne nderojmë heronjtë, dëshmorët e martirët. Punën dhe mundin tonë ua kemi borgj fëmijëve tanë dhe të ardhmes së Kosovës!

Urime 17 shkurti – Dita e Pavarësisë!

Me respekt,

Prof. Dr. Agron Bajraktari, rektor i Universitetit të Shkencave të Aplikuara në Ferizaj