UShAF lidhë edhe dy marrëveshje të reja bashkëpunimi me ndërmarrjet “IMK” dhe “Eurometal”

Ushtruesi i detyrës së rektorit, z. Agron Bajraktari tha se për UShAF është shumë e rëndësishme krijimi i mundësive për punën praktike të studentëve, prandaj falënderoi bizneset që kanë mirëpritur kërkesën për të qenë pjesë e punës së Universitetit.

“Vendet e zhvilluara po i kushtojnë rëndësi të madhe përgatitjes së gjeneratave të reja në shkencat e aplikuara, të cilat për t’u zhvilluar kanë nevojë të madhe për bashkëpunimin e industrisë. Edhe në Kosovë, bizneset kanë hapur dyert për studentët tanë dhe kjo është një mundësi e mirë për përgatitje sa më të mirë të studentëve në profesionet e tyre, gjë që do t’i kontribuojë edhe vet këtyre bizneseve në të ardhmen, por edhe zhvillimit ekonomik në përgjithësi”, tha z. Bajraktari.

Edhe drejtori menaxherial i “NewCo IMK Pipe Factory L.L.C”, z. Arianit Vllahiu dhe drejtori menaxherial i ndërmarrjes “Eurometal”, z. Njazi Musliu, u shprehën të kënaqur për nënshkrimin e marrëveshjes me UShAF, për faktin se nga këto marrëveshje nuk do të përfitojnë vetëm studentët, por edhe kompanitë, të cilat do të kenë në dispozicion edhe mësimdhënësit e Universitetit në zgjidhjen e problemeve praktike/shkencore.