Aktualisht, Prof. Asoc. Dr. Arben Tërstena është Prorektor për Buxhet, Financa dhe Infrastrukturë, detyrë të cilën e ushtron që nga tetori i vitit 2020. Në vitin 2024 u rizgjodh në po të njëjtën pozitë.

Ai është mësimdhënës në Universitetin e Shkencave të Aplikuara në Ferizaj, i punësuar në vitin akademik 2019-2020.

Nga viti 2013 deri në vitin 2019, ishte Asistent dhe Ligjërues, në Universitetin e Shkencave të Aplikuara në Ferizaj. Si Zyrtar për Buxhet dhe Financa në po të njëjtin universitet punoi nga viti 2017 deri në vitin 2019. Gjithashtu, më 1 tetor 2019 u zgjodh Profesor Asistent në institucionin e njëjtë, ndërsa më 23 tetor 2023 u avancua në Profesor i Asociuar.

Para angazhimit në Universitetin e Shkencave të Aplikuara në Ferizaj, në vitin 2012-2013, Tërstena, ishte Asistent i rregullt në Kolegjin AAB. Në vitin 2010-2011 punoi në Kolegjin Universum.

Gjatë karrierës së tij, midis viteve 2004–2010, Tërstena pati poste drejtuese në disa kompani të mëdha, duke shërbyer si menaxher dhe drejtor gjeneral në korporata si “HIB PETROL”, “VIVA FRESH STORE”, “CeA CENTER” dhe “EURO MARKET”. Përveç kësaj, ai menaxhon me sukses biznesin familjar “KONTO-T”, një kompani që ofron shërbime të kontabilitetit, financave dhe auditimit, si dhe këshilla për biznese start-up, plane të biznesit dhe funksionalizimin e tyre.

Tërstena ka mbi 10 punime shkencore dhe ka marrë pjesë në më shumë se 10 konferenca ndërkombëtare me recension dhe impakt faktor. Aktualisht është duke marrë me hulumtime dhe punime shkencore, që janë në proces të përfundimit. Gjithashtu është duke përgatitur botimin e një libri në fushën e menaxhmentit dhe ndërmarrësisë.

Studimet bachelor dhe master i përfundoi në Universitetin e Prishtinës, në Fakultetin Ekonomik, në Departamentin e Menaxhmentit dhe Informatikës. Ndërsa, në vitin 2018 mori titullin Doktor i Shkencave në fushën e Organizimit dhe Menaxhimit të Prodhimit.

Prof. Asoc. Dr. Arben Tërstena flet gjuhën angleze dhe serbo-kroate.