Universiteti i Shkencave të Aplikuara në Ferizaj (UShAF), sot mbajti punëtorinë e dytë, të përbashkët me Heras Plus, për ndërtimin e Strategjisë për Digjitalizimet e Universitetit.
Punëtoria u hap nga Rektori, Prof. Dr. Agron Bajraktari, me fjalë falënderimi për mbështetjen e vazhdueshme që Heras është duke i ofruar UShAF në realizim e projekteve të ndryshme, dhe koordinimin e këtyre aktiviteteve nga Koordinatori Tematik për Arsimin Lartë (Heras Plus), z. Nehat Dervishi. Rektori përgëzoi grupin punues për angazhimin tyre në zhvillimin e Strategjisë, e para e kësaj natyre në nivel shteti, dhe i inkurajoi për punë të mëtejme në këtë proces mjaft sfidues.
Në vijim të kësaj punëtorie, ekspertja e angazhuar nga Heras Plus, Prof. As. Dr. Dhuratë Hyseni prezantoi aktivitetet e realizuara në drejtim të ndërtimit të strategjisë, duke zhvilluar diskutime frytdhënëse me anëtarët e Komisionit për Digjitalizim dhe Sisteme të Informacionit pranë UShAF.
Punëtoria u mbyll nga Prorektorja për Digjitalizim, Inovacion dhe Teknologji të Informacionit Prof. As. Dr. Fakije Zejnullahu, deri në takimin punues të radhës, për finalizim të strategjisë.
![](https://ushaf.net/wp-content/uploads/2022/03/277739730_4997349547047755_2003336027939476745_n-410x273.jpg)
![](https://ushaf.net/wp-content/uploads/2022/03/277163095_4997349993714377_5249626213641140881_n-410x273.jpg)
![](https://ushaf.net/wp-content/uploads/2022/03/277247752_4997350123714364_8905363063742327821_n-410x273.jpg)
This post is also available in: English