Federata Universale e Paqes, në shënimin e Ditës Ndërkombëtare të Familjes, ka nderuar Rektorin e Universitetit të Shkencave të Aplikuara në Ferizaj (UShAF), Prof. Dr. Agron Bajraktari me titullin “Ambasador për Paqe”.
Rektori Bajraktari falënderoi Federatën për ndarjen e këtij titulli dhe theksoi se është nderë i madh që t’i bashkohet rrjetit global të individëve dhe organizatave që punojnë për paqen kudo në botë.
“Jam shumë i lumtur që përkushtimi dhe puna që kam bërë gjatë gjithë jetës është në përputhje të plotë me vizionin e Federatës së Paqes Universale”, tha rektori Bajraktari, ndërsa theksoi se do të vazhdojë të japë kontributin e tij për një Kosovë më të mirë dhe për një botë që jeton me parimet dhe vlerat universale.
Në objektivat kryesore të Federatës së Paqes Universale përfshihen: Reformat dhe forcimi i Kombeve të Bashkuara dhe Këshilli i saj Ekonomik e social, partneritet midis qeverive, feve dhe shoqërisë civile, një kulturë e paqes nëpërmjet edukimit, sporteve, artit, medies, bashkëpunimi ndërfetar, shmangia dhe zgjidhja e konfliktit – jetë e lumtur familjare plot dashuri.
![](https://ushaf.net/wp-content/uploads/2023/05/347449179_969182910882738_1805948819432098024_n-1-410x231.jpg)
![](https://ushaf.net/wp-content/uploads/2023/05/348282074_771318031329531_5133517969663225297_n-410x231.jpg)
![](https://ushaf.net/wp-content/uploads/2023/05/348296585_195088350115627_3852090671213080808_n-273x410.jpg)
![](https://ushaf.net/wp-content/uploads/2023/05/348326965_986032439426035_7231011496585691330_n-410x185.jpg)
![](https://ushaf.net/wp-content/uploads/2023/05/348461060_197610926532261_6653396094822973169_n-410x230.jpg)