Oda Ekonomike e Kosovës: Investimi në arsim është investim në zhvillimin ekonomik të vendit.
Oda Ekonomike e Kosovës shpreh shqetësimin për mundësinë e mungesës së financimit për Universitetin e Shkencave të Aplikuara në Ferizaj, një institucion që ka dhënë kontribut të rëndësishëm në përgatitjen e kuadrove profesionale dhe në lidhjen e arsimit me nevojat e tregut të punës.
Ky universitet ka ndërtuar një model të suksesshëm bashkëpunimi me sektorin privat, duke përgatitur të rinj me aftësi praktike dhe profesionale, të nevojshme për zhvillimin e ekonomisë së Kosovës.
Oda Ekonomike e Kosovës u bën thirrje institucioneve përgjegjëse që të sigurojnë mbështetjen dhe financimin e nevojshëm për vazhdimin e funksionimit të këtij universiteti.
Ruajtja dhe zhvillimi i institucioneve që përgatisin profesionistët e së nesërmes është në interes të studentëve, biznesit dhe të gjithë ekonomisë së vendit.