Universiteti i Shkencave të Aplikuara në Ferizaj (UShAF) njofton të gjithë të interesuarit se më datë 11.09.2026 (e premte) do të hapë konkursin plotësues për pranim të studentëve të rinj në studimet bachelor dhe master për vitin akademik 2026/2027.

Programet e studimit në të cilat do të ketë vende të lira për pranim, si dhe numri i studentëve që do të pranohen në secilin program, do të bëhen publike me shpalljen zyrtare të konkursit.

UShAF i ka bërë të gjitha përgatitjet e nevojshme për të mirëpritur studentët e rinj dhe është i gatshëm për fillimin e vitit të ri akademik. Të interesuarit ftohen të përcjellin njoftimet zyrtare të Universitetit për t’u informuar me kohë rreth konkursit, programeve të studimit, numrit të vendeve në dispozicion dhe procedurave të aplikimit.

Të gjitha programet realizohen me mësimdhënës kompetentë, punë praktike në ndërmarrje, mundësi të shumta mobiliteti dhe aktivitete të tjera me rëndësi për përgatitjen e duhur profesionale dhe zhvillimin e kompetencave të larta për tregun e punës.