Nëse dëshiron të ndërtosh një karrierë të suksesshme në fushat e inxhinierisë dhe teknologjisë, Fakulteti i Inxhinierisë dhe Informatikës në kuadër të Universitetit të Shkencave të Aplikuara në Ferizaj (UShAF) është zgjedhja e duhur për ty. Ne kombinojmë dijen akademike me praktikën e vazhdueshme, duke të përgatitur për sfidat dhe mundësitë që sjell bota moderne e industrisë dhe teknologjisë. 

Programet që ofrojmë: 

Studime Bachelor: 

Inxhinieri Industriale me Informatikë 

Informatikë e Aplikuar 

Studime Master: 

Inxhinieri dhe Menaxhimi i Prodhimit 

Gjatë studimeve, do të angazhohesh në projekte konkrete të lidhura me industrinë, do të punosh në laboratorë modernë me pajisje bashkëkohore, do të zhvillosh ide inovative në bashkëpunim me profesorë dhe kompani reale, si dhe do të përfitosh nga ligjëratat e ekspertëve të fushës dhe vizitat në kompani prodhuese e teknologjike. 

Studentët më të dalluar shpërblehen me bursa studimi si motivim për suksesin akademik dhe përkushtimin e tyre profesional. Fakulteti bashkëpunon ngushtë me kompani dhe institucione vendore, duke ofruar praktika profesionale dhe mundësi reale punësimi që nga vitet e para të studimeve. Të gjitha këto zhvillohen në një mjedis modern akademik, në qytetin dinamik të Ferizajt, ku inovacioni dhe zhvillimi profesional janë gjithmonë prioritet. 

Me staf akademik të përkushtuar, laboratorë modernë dhe projekte të lidhura ngushtë me industrinë, Fakulteti i Inxhinierisë dhe Informatikës është vendi ku fillon rrugëtimi yt drejt një të ardhmeje profesionale të ndritur. 

Bëhu pjesë e gjeneratës që e transformon të ardhmen!