Universiteti i Shkencave të Aplikuara në Ferizaj (UShAF) shpall thirrje të hapur për mobilitet për studentët që dëshirojnë të realizojnë një periudhë studimi një semestrale në Universitetin e Shkencave të Aplikuara në Salzburg, Austri.
Ky mobilitet është i hapur për studentët e këtyre fakulteteve:
– Fakulteti i Turizmit dhe Ambientit
– Fakulteti i Arteve të Aplikuara
– Fakulteti i Arkitekturës, Dizajnit dhe Teknologjisë së Drurit
Thirrja vlen për studentët e nivelit Bachelor (nga viti i dytë i studimeve) dhe për studentët e nivelit Master. Numri i përgjithshëm i studentëve që do të përzgjidhen për këtë mobilitet është pesë.
Të interesuarit duhet të dërgojnë një letër motivuese në gjuhën angleze në email adresën: [email protected]
Afati i Aplikimit
Data e fundit për dorëzimin e aplikimeve është 9 tetor 2024.
Kjo është një mundësi e shkëlqyer për studentët që të përfitojnë nga një përvojë ndërkombëtare në një institucion të njohur për standardet e tij të larta akademike.
Për më shumë informata, kontaktoni Zyrën për Bashkëpunim Ndërkombëtar në UShAF.