Studentet e Arteve të Aplikuara të Universitetit të Shkencave të Aplikuara në Ferizaj (UShAF), Irena Toma dhe Besmira Fejzullahu së bashku me mësimdhënësen Lejla Ibrahimi, pikturuan murin e Sallës së Mbledhjeve të Universitetit, duke krijuar një ambient të ngrohtë për stafin dhe studentët e UShAF.
Me këtë rast, Rektori i UShAF, Prof. Dr. Agron Bajraktari falënderoi studentet dhe mësimdhënësen Lejla Ibrahimi që përmes artit pamor, po sjellin energji pozitive dhe ambient të ngrohtë në Universitet.
Rektori Bajraktari në shenjë respekti për punën e tyre, nderoi me mirënjohje studentet Irena Toma dhe Besmira Fejzullahu. Gjithashtu, ata u dakorduan që punë të tilla të realizohen edhe në hapësirat tjera të Universitetit, pasiqë sipas Rektorit, arti pamor sjell një frymë pozitive për studentë dhe staf të Universitetit.
Studentet u shprehën shumë të kënaqura me rastin e marrjes së mirënjohjes dhe falënderuan Rektorin Bajraktari dhe mësimdhënësen e tyre Lejla Ibrahimi për mbështetjen dhe mundësinë që puna e tyre të jetojë gjatë brenda këtij institucioni ku ato edhe zhvilluan shkathtësitë e tyre profesionale.
![](https://ushaf.net/wp-content/uploads/2022/01/FAB-LAB-FInali-03-1-410x204.jpg)
![](https://ushaf.net/wp-content/uploads/2022/01/271844757_4742177415898304_3701542226254263595_n-410x308.jpg)
![](https://ushaf.net/wp-content/uploads/2022/01/271790675_4742177409231638_6897185448303094332_n-410x308.jpg)
This post is also available in: English